分卷阅读68（2 / 2）

第141页

点理佢，唉．．．原来人与人之间嘅关系就系咁脆弱，激情过后要继续维繫亲密关系真系好难．．．．

第142页

絶地反击今日收工后突然收到一个电话，不过今次吾系阿头call我，而系另一个警司级嘅高层搵我，叫我上总部见佢，我都心知不妙，带住患得患失嘅心情上去见佢。

上到去高层办公室，除左上一次见board之外，我的呢ｄ散仔都好少有机会见到ｄ咁高级嘅高层，重要上去佢办公室都系第一次，心情都系有少少紧张，佢态度好cool，招呼左我坐低后就开始同我讲野。

高层：你阿头Peter已经休假，你做卧底嘅行动即时开始由我接管，以后一切事情直接向我滙报。不过成个行动会即时hold住，你暂时吾驶再follow查落去。

呢个消息我早有心理準备，迟早都会发生，吾感到突然，根据ｄ师兄同我讲，通常做完卧底都会休假一排当系过冷河，然后再会调去其他部门。

Ryan：咁我系吾系即时会休假呀？几时先可以再返工呀？

高层：休假？．．．系，冇错，你听日开始就吾驶再返军装果边，不过吾系休假，系停职接受内部调查直至另行通知。

佢木訥嘅态度令我心里面有股寒意涌上离，我果时真系感到好愕然，脑海一片空白，百思不得其解。究竟发生羊事呀？我要停职接受内部调查，我犯左羊事呀？

Ryan：吓？停职接受内部调查？我犯左羊事呀？

高层：系！你亦都吾驶咁紧张，都系例行调查．．．

Ryan：咁究竟我系涉嫌犯左羊事要接受调查呀？系同我做卧底有关呀？

我即刻諗起上次卓晧细佬阿Don做完卧底之后又系比阿头Peter屈，话佢做卧底期间私吞收入，仲有私自行动等等！！我个心即时凉左一截！！吾通Peter发现左我偷佢手机资料，所以又对我重施故技？．．．

高层连我点解要接受调查都冇讲，只系要我交出委任証，重叫我吾好离开香港等消息．．．离开警察总部，心情非常不安，自问当左差咁多年，身為执法人员都好循规蹈矩，连过马路都吾会衝红灯，今日居然比高层同我讲要停职接受内部调查，我真系諗都冇諗过，吾通我嘅警察生涯就咁玩完？高层同我讲果句：「停职接受内部调查直至另行通知．．．」不断响我脑内重播缠绕著我．．．想搵阿头Peter又搵吾到；我又吾敢搵Johnny（惊比警方跟踪）；同阿Ken讲话我要放假一段时间（我当然冇讲出真正原因！）佢只系淡淡一句：哦，过左几日重连响我屋企嘅野都搬走晒；所有差馆嘅同事都冇搵我，我都吾知佢地传紧我发生羊事？总之好似惊我连累佢的咁．．．，突然间全世界都离弃我，令我觉得好无助。开始休假嘅日子，响屋企无所事事，每日提心吊胆警方会上门拉人，终日诚惶诚恐，后来重连街都吾敢出，因為一出街就会觉得好似有人跟踪住我咁，同坐监冇羊分别？又过左几个礼拜（确实几耐我都冇羊印象啦！！），又系另一个无所事事嘅一日，由於吾驶亦都吾想出街见人，成个人都变得不修边幅、头髮长长兼满面鬍鬚，连我自己都吾敢照镜，训到成十二点几先起身，心血来潮襟着部电视听吓新闻（都吾知几耐冇睇过电视啦），突然间一单新闻吸引左我注意：第143页

警方今晨四出採取名為扑火行动，拘捕多名涉嫌贩毒人仕，同时捣破多个贩毒中心，检获百多公斤毒品，消息指行动已经成功捣破一个主要向上流社会及专业人仕供应毒品嘅集团，而被补人仕系集团中嘅骨干成员，当中包括几个纪律部队嘅高层，警方指行动嘅成功主要靠混入集团中嘅卧底搜集重要情报得以破案，但调查中亦发现有警务人员涉嫌收取利益包庇罪犯，该名人员已经停职并接受内部调查．．．。

吓！！新闻讲嘅行动关吾关我事架？佢里面讲紧嘅收取利益警务人员系吾系讲紧我呀？？有冇人可以比我问吓呀？唯有即刻上网睇左十几份报纸，份份讲嘅野都系差吾多，成晚都训吾着，最后我决定听朝就走上去总部搵嗰个高层问个明白。好不容易先涯过左成晚，点知我未出门口之前就已经接到高层打电话比我叫我上总